Multi-skilled ຫຼື Multitasking? ໃນຍຸກທີ່ຮູບແບບການເຮັດວຽກປ່ຽນແປງຢ່າງວ່ອງໄວ ຫຼາຍອົງກອນບໍ່ໄດ້ມອງຫາພະນັກງານທີ່ຊ່ຽວຊານພຽງດ້ານດຽວອີກຕໍ່ໄປ ແຕ່ຄາດຫວັງໃຫ້ພະນັກງານສາມາດປັບຕົວ, ຮຽນຮູ້ທັກສະໃໝ່ ແລະ ຮັບຜິດຊອບວຽກໄດ້ຫຼາກຫຼາຍຂຶ້ນ ຈົນຄຳວ່າ “ເຮັດໄດ້ຫຼາຍຢ່າງ” ກາຍເປັນໜຶ່ງໃນຄຸນສົມບັດສຳຄັນຂອງຄົນເຮັດວຽກໃນຍຸກໃໝ່

ແຕ່ “ເກັ່ງຫຼາຍດ້ານ” ກັບ “ເຮັດຫຼາຍຢ່າງພ້ອມກັນ” ອາດບໍ່ແມ່ນສິ່ງດຽວກັນ. Multi-skilled ໝາຍເຖິງການມີທັກສະ ແລະ ຄວາມສາມາດຫຼາຍດ້ານທີ່ສາມາດນຳມາປະຍຸກໃຊ້ກັບວຽກໄດ້ ໃນຂະນະທີ່ Multitasking ແມ່ນການຈັດການຫຼາຍວຽກໃນຊ່ວງເວລາດຽວກັນ ເຊິ່ງຖ້າມີຫຼາຍເກີນໄປ ອາດສົ່ງຜົນຕໍ່ສະມາທິ, ຄຸນນະພາບງານ ແລະ ປະສິດທິພາບ

ດັ່ງນັ້ນ ສິ່ງທີ່ອົງກອນຍຸກໃໝ່ຕ້ອງການແທ້ໆ ຄືພະນັກງານທີ່ສາມາດເຮັດທຸກຢ່າງພ້ອມກັນ ຫຼື ຄົນທີ່ມີທັກສະຫຼາກຫຼາຍ ແລະ ຮູ້ວ່າຄວນເລືອກນຳທັກສະເຫຼົ່ານັ້ນມາໃຊ້ແນວໃດໃຫ້ເໝາະກັບວຽກ?

ມາເຮັດຄວາມເຂົ້າໃຈຄວາມແຕກຕ່າງລະຫວ່າງ Multi-skilled ແລະ Multitasking ເພື່ອຊອກຫາຄຳຕອບວ່າ “ເກັ່ງຫຼາຍດ້ານ” ຫຼື “ເຮັດຫຼາຍຢ່າງພ້ອມກັນ” ແບບໃດຈຶ່ງຕອບໂຈດໂລກການເຮັດວຽກຍຸກໃໝ່ໄດ້ດີກວ່າ

ເປັນຫຍັງອົງກອນຍຸກໃໝ່ຈຶ່ງຕ້ອງການຄົນທີ່ມີຫຼາຍທັກສະ

ຄວາມຕ້ອງການດ້ານທັກສະຂອງຕະຫຼາດແຮງງານກຳລັງປ່ຽນແປງຢ່າງວ່ອງໄວ. ສະພາເສດຖະກິດໂລກ (World Economic Forum: WEF) ລະບຸໃນລາຍງານ Future of Jobs Report 2025 ວ່າ ນາຍຈ້າງຄາດວ່າ 39% ຂອງທັກສະຫຼັກທີ່ຄົນເຮັດວຽກໃຊ້ຢູ່ຈະປ່ຽນແປງພາຍໃນປີ 2030. ທັກສະດ້ານເທັກໂນໂລຊີ ເຊັ່ນ AI, Big Data ແລະ Technological Literacy ຈະມີຄວາມສຳຄັນເພີ່ມຂຶ້ນ ໃນຂະນະທີ່ທັກສະຂອງມະນຸດ ເຊັ່ນ Creative Thinking, Resilience, Flexibility ແລະ Leadership ກໍຍັງຄົງມີຄວາມສຳຄັນ

ແນວໂນ້ມຂອງໂລກທີ່ປ່ຽນໄປ ເຮັດໃຫ້ Multi-skilled Employee ກາຍເປັນຄຸນສົມບັດທີ່ຫຼາຍອົງກອນໃຫ້ຄວາມສຳຄັນ ເພາະໝາຍເຖິງພະນັກງານທີ່ມີຄວາມສາມາດຫຼາຍດ້ານ ສາມາດນຳທັກສະທີ່ແຕກຕ່າງກັນມາປະຍຸກໃຊ້ກັບວຽກ ແລະ ພ້ອມຮຽນຮູ້ທັກສະໃໝ່ເມື່ອຮູບແບບວຽກປ່ຽນໄປ

ຕົວຢ່າງ: ຄົນເຮັດ Content ອາດບໍ່ໄດ້ມີພຽງທັກສະການຂຽນ ແຕ່ຍັງສາມາດຖ່າຍຮູບ, ຕັດຕໍ່ວິດີໂອ, ອ່ານຂໍ້ມູນ Analytics ແລະ ໃຊ້ AI ເປັນເຄື່ອງມືຊ່ວຍວຽກໄດ້. ການມີທັກສະຫຼາກຫຼາຍຈຶ່ງຊ່ວຍເພີ່ມຄວາມຍືດຫຍຸ່ນໃຫ້ທັງພະນັກງານ ແລະ ອົງກອນ

Multi-skilled ບໍ່ໄດ້ໝາຍຄວາມວ່າຕ້ອງ Multitask ສະເໝີໄປ

ຢ່າງໃດກໍຕາມ ສິ່ງທີ່ອົງກອນ ແລະ HR ຄວນໃຫ້ຄວາມສຳຄັນຄື ການມີທັກສະຫຼາກຫຼາຍ ບໍ່ໄດ້ໝາຍຄວາມວ່າພະນັກງານຄວນເຮັດຫຼາຍວຽກພ້ອມກັນ

Multi-skilled ເນັ້ນທີ່ຄວາມຫຼາກຫຼາຍຂອງທັກສະ. ເຊັ່ນ ຄົນໜຶ່ງສາມາດຂຽນບົດຄວາມ, ເຮັດ Graphic ແລະ ວິເຄາະຂໍ້ມູນໄດ້. ລາວອາດຈັດເວລາໃຫ້ຕອນເຊົ້າຂຽນບົດຄວາມ, ຕອນບ່າຍວິເຄາະຂໍ້ມູນ ແລະ ອີກມື້ຈຶ່ງເຮັດ Graphic

ໃນຂະນະທີ່ Multitasking ເນັ້ນການເຮັດວຽກ ຫຼື ສະຫຼັບໄປມາລະຫວ່າງຫຼາຍວຽກໃນຊ່ວງເວລາດຽວກັນ. ເຊັ່ນ ກຳລັງຂຽນລາຍງານ ແຕ່ຕ້ອງຢຸດເພື່ອຕອບຂໍ້ຄວາມ, ເຊັກ Email, ຮັບໂທລະສັບ ແລະ ກັບມາຂຽນລາຍງານຕໍ່ ກ່ອນຈະຖືກເອີ້ນໄປເຮັດວຽກອື່ນ

ເບິ່ງພາຍນອກອາດຄ້າຍກັບວ່າສາມາດເຮັດຫຼາຍວຽກໄດ້ໄວ ແຕ່ໃນຄວາມເປັນຈິງ ສະໝອງອາດກຳລັງສະຫຼັບວຽກ ຫຼື Task Switching ຫຼາຍກວ່າການເຮັດຫຼາຍວຽກພ້ອມກັນ

ຍິ່ງສະຫຼັບວຽກຫຼາຍ ບໍ່ໄດ້ໝາຍວ່າ Productivity ສູງຂຶ້ນ

ບາງຄັ້ງທ່ານອາດເປັນຄົນທີ່ເປີດໜ້າຈໍຄອມພິວເຕີຫຼາຍໜ້າ, ຕອບ Chat ໄປພ້ອມກັບເຊັກ Email, ສະຫຼັບມາເຮັດລາຍງານ ແລະ ຢຸດໄປຮັບໂທລະສັບ

ເມື່ອເຮົາສະຫຼັບຈາກວຽກໜຶ່ງໄປອີກວຽກໜຶ່ງ ສະໝອງຕ້ອງໃຊ້ເວລາເພື່ອຢຸດຂະບວນການຄິດຂອງວຽກເກົ່າ ແລະ ປັບເຂົ້າສູ່ເປົ້າໝາຍ ແລະ ຈຸດໂຟກັສຂອງວຽກໃໝ່

ງານວິໄຈດ້ານ Cognitive Psychology ອະທິບາຍວ່າ ຂະບວນການນີ້ກໍ່ໃຫ້ເກີດ Switching Cost ຫຼື ຕົ້ນທຶນຈາກການສະຫຼັບວຽກ. ແມ່ນແຕ່ການສະຫຼັບແຕ່ລະຄັ້ງອາດໃຊ້ເວລາພຽງເລັກນ້ອຍ ແຕ່ຖ້າເກີດຊ້ຳໆຕະຫຼອດມື້ ຕົ້ນທຶນນີ້ສາມາດສະສົມ ແລະ ກະທົບຕໍ່ປະສິດທິພາບໄດ້. ຕົ້ນທຶນດັ່ງກ່າວຍິ່ງສູງຂຶ້ນເມື່ອວຽກມີຄວາມຊັບຊ້ອນ ຫຼື ເປັນວຽກທີ່ບໍ່ຄຸ້ນເຄີຍ

ດັ່ງນັ້ນ ພະນັກງານທີ່ເບິ່ງຄືວ່າເຮັດຫຼາຍຢ່າງໄດ້ເກັ່ງ ອາດບໍ່ໄດ້ມີ Productivity ສູງກວ່າສະເໝີໄປ ຖ້າຕ້ອງຖືກ Interrupt ແລະ ສະຫຼັບຄວາມສົນໃຈລະຫວ່າງວຽກຕະຫຼອດມື້

ເມື່ອ Multi-skilled ກາຍເປັນຄົນດຽວ ຫຼາຍຕຳແໜ່ງ

ການພັດທະນາພະນັກງານໃຫ້ມີຫຼາຍທັກສະຖືວ່າເປັນເລື່ອງດີ ແຕ່ກໍອາດເກີດບັນຫາໃນອົງກອນໄດ້ວ່າ “ເມື່ອເຮັດໄດ້ ກໍໃຫ້ເຮັດທັງໝົດ”

ຈາກເດີມທີ່ພະນັກງານໄດ້ຮັບການ Upskill ເພື່ອເພີ່ມສັກກະຍະພາບ ອາດຄ່ອຍໆກາຍເປັນການເພີ່ມໜ້າທີ່ ໂດຍບໍ່ໄດ້ທົບທວນຂອບເຂດວຽກ, ເວລາ, ຊັບພະຍາກອນ ຫຼື ຄ່າຕອບແທນ

ທ້າຍທີ່ສຸດ ຄົນທີ່ອົງກອນຕັ້ງໃຈພັດທະນາໃຫ້ເປັນ Multi-skilled ອາດກາຍເປັນຄົນທີ່ຕ້ອງແບກຮັບຫຼາຍບົດບາດພ້ອມກັນ

CIPD (Chartered Institute of Personnel and Development) ລະບຸວ່າ Job Design ທີ່ດີບໍ່ແມ່ນພຽງການກຳນົດວ່າພະນັກງານຕ້ອງເຮັດຫຍັງ ແຕ່ຍັງກ່ຽວຂ້ອງກັບການອອກແບບບົດບາດ ແລະ ຄວາມຮັບຜິດຊອບ ເພື່ອໃຫ້ຂະບວນການເຮັດວຽກມີປະສິດທິພາບ ພ້ອມກັບສ້າງວຽກທີ່ດີໃຫ້ແກ່ພະນັກງານ

ດັ່ງນັ້ນ Multi-skilled ບໍ່ຄວນກາຍເປັນຂໍ້ອ້າງໃນການເພີ່ມວຽກໂດຍບໍ່ມີຂອບເຂດ

HR ຕ້ອງສ້າງ “ຄົນເກັ່ງຫຼາຍດ້ານ” ບໍ່ແມ່ນ “ຄົນທີ່ຕ້ອງເຮັດທຸກຢ່າງ”

ໂຈດຂອງ HR ຍຸກໃໝ່ຈຶ່ງບໍ່ແມ່ນພຽງການ Upskill ຫຼື Reskill ໃຫ້ພະນັກງານເຮັດຫຍັງໄດ້ຫຼາຍຂຶ້ນ ແຕ່ຕ້ອງອອກແບບວິທີນຳທັກສະເຫຼົ່ານັ້ນມາໃຊ້ໃຫ້ເໝາະສົມດ້ວຍ

HR ແລະ ຫົວໜ້າງານຄວນກຳນົດບົດບາດ ແລະ ໜ້າທີ່ໃຫ້ຊັດເຈນ, ທົບທວນ Job Description ເມື່ອມີໜ້າທີ່ໃໝ່ເພີ່ມເຂົ້າມາ, ປະເມີນ Workload ຫຼື ປະລິມານວຽກທັງໝົດຄວບຄູ່ກັບ Performance ຫຼື ຜົນງານ ລວມເຖິງຊ່ວຍຈັດລຳດັບຄວາມສຳຄັນຂອງວຽກ ແລະ ຫຼຸດການສະຫຼັບວຽກທີ່ບໍ່ຈຳເປັນ

ຖ້າອົງກອນຕ້ອງການໃຫ້ພະນັກງານເຮັດວຽກຂ້າມສາຍງານ ຄວນມີທັງເວລາ, ເຄື່ອງມື, ການຝຶກອົບຮົມ ແລະ ຊັບພະຍາກອນທີ່ເໝາະສົມຮອງຮັບ ບໍ່ແມ່ນພຽງເພີ່ມລາຍການວຽກເຂົ້າໄປໃນໜ້າທີ່ເດີມ

ທ້າຍທີ່ສຸດ ອະນາຄົດຂອງການເຮັດວຽກອາດຕ້ອງການຄົນທີ່ “ເຮັດໄດ້ຫຼາຍຢ່າງ” ຫຼາຍຂຶ້ນ ແຕ່ບໍ່ໄດ້ໝາຍຄວາມວ່າຄົນໜຶ່ງຄົນຄວນ “ເຮັດທຸກຢ່າງພ້ອມກັນ”

ການສ້າງ Multi-skilled ທີ່ແທ້ຈິງຈຶ່ງບໍ່ແມ່ນການເພີ່ມພາລະໃຫ້ພະນັກງານ ແຕ່ແມ່ນການເພີ່ມສັກກະຍະພາບ ພ້ອມກັບອອກແບບວຽກໃຫ້ຄົນສາມາດນຳສັກກະຍະພາບນັ້ນມາໃຊ້ໄດ້ຢ່າງມີປະສິດທິພາບ ແລະ ຍືນຍົງ