ໃນໂລກການເຮັດວຽກປະຈຸບັນ ໜ້າທີ່ຂອງຝ່າຍຊັບພະຍາກອນມະນຸດ (HR) ບໍ່ແມ່ນພຽງແຕ່ການບໍລິຫານວຽກງານທົ່ວໄປເທົ່ານັ້ນ ແຕ່ຈຳເປັນຕ້ອງມີບົດບາດດ້ານກຸລະຍຸດ ເພື່ອສົ່ງເສີມການເຕີບໂຕຂອງອົງກອນຢ່າງຍືນຍົງ. ຫນຶ່ງໃນປັດໃຈທີ່ມີຄວາມສຳຄັນຫຼາຍເພີ່ມຂຶ້ນໃນຍຸກນີ້ ຄື ຂໍ້ມູນ.
ໃນອະດີດ HR ມັກອາໄສປະສົບການ ຫຼື ຄວາມຮູ້ສຶກໃນການຕັດສິນໃຈ. ແຕ່ເມື່ອພດຕິກຳ ແລະ ຄວາມຕ້ອງການຂອງພະນັກງານມີຄວາມສັບຊ້ອນຫຼາຍຂຶ້ນ ການໃຊ້ ຂໍ້ມູນວິເຄາະແບບເຊິ່ງເລິກ (Insight) ຈຶ່ງເປັນສິ່ງຈຳເປັນ. ຄຳຖາມສຳຄັນຈຶ່ງເກີດຂຶ້ນເຊັ່ນ:
- ເປັນຫຍັງບາງທີມຈຶ່ງມີອັດຕາການລາອອກສູງ?
- ເປັນຫຍັງພະນັກງານບາງກຸ່ມບໍ່ເຂົ້າຮ່ວມອົບຮົມ ແມ້ວ່າຫຼັກສູດຈະມີຄຸນນະພາບດີ?
- ມີສັນຍານຫຍັງທີ່ບອກເຖິງຄວາມເມື່ອຍລ້າ ຫຼື ຄວາມສ່ຽງໃນການເກີດ Burnout?
ຄຳຕອບຂອງຄຳຖາມເຫຼົ່ານີ້ ບໍ່ໄດ້ຢູ່ທີ່ “ຕົວເລກ” ເທົ່ານັ້ນ ແຕ່ຢູ່ທີ່ ການເຂົ້າໃຈຄວາມໝາຍທີ່ຊ່ອນຢູ່ເບື້ອງຫຼັງຂອງຕົວເລກ.
ບົດບາດຂອງຂໍ້ມູນໃນການຍົກລະດັບ HR
ລະບົບ HR ທັນສະໄໝ ເຊັ່ນ HumanOS ບໍ່ໄດ້ມີໜ້າທີ່ພຽງແຕ່ເກັບຂໍ້ມູນ ແຕ່ຊ່ວຍ ເຊື່ອມໂຍງ ແລະ ວິເຄາະຂໍ້ມູນຢ່າງເປັນລະບົບ ເພື່ອໃຫ້ HR ມີມຸມມອງທີ່ຄົບຖ້ວນ ແລະ ນຳໄປປະຍຸກຕໍ່ໄດ້ຈິງ. ຕົວຢ່າງເຊັ່ນ:
- ຜົນປະເມີນສະແດງໃຫ້ເຫັນວ່າໃຜກຳລັງພັດທະນາໄດ້ດີ ແລະ ໃຜຕ້ອງການການສະໜັບສະໜູນເພີ່ມເຕີມ
- ລາຍງານການຝຶກອົບຮົມຊ່ວຍຊີ້ໃຫ້ເຫັນວ່າຫຼັກສູດໃດໄດ້ຜົນ ແລະ ຫຼັກສູດໃດຕ້ອງປັບປຸງ
- ຂໍ້ມູນການລາ ບອກຖຶງສັນຍານຄວາມເມື່ອຍລ້າ ຫຼື ຄວາມສ່ຽງ Burnout
- ຄຳຕອບຈາກແບບສອບຖາມ ສະທ້ອນບັນຍາກາດ ແລະ ອາລົມຂອງທີມແບບ Real-time
ດ້ວຍຂໍ້ມູນເຫຼົ່ານີ້ HR ບໍ່ຈຳເປັນຕ້ອງ “ຄາດເດົາ” ອີກຕໍ່ໄປ ແຕ່ສາມາດ “ເຂົ້າໃຈຈິງ” ແລະ ຊ່ວຍໄດ້ຢ່າງຖືກຈຸດ.
ຈາກການແກ້ໄຂ → ສູ່ການປ້ອງກັນ
ແມ່ນວ່າຂໍ້ມູນເປັນເຄື່ອງມືທີ່ມີພະລັງ ແຕ່ຫົວໃຈຂອງວຽກ HR ຍັງຄົງຢູ່ທີ່ ຄວາມເຂົ້າໃຈ ແລະ ຄວາມເຫັນຄຸນຄ່າຂອງຄົນ. ແຕ່ເມື່ອຂໍ້ມູນຖືກນຳມາໃຊ້ຮ່ວມກັນ ມັນຊ່ວຍໃຫ້ HR ຂ້າມຈາກການແກ້ໄຂປັນຫາຫຼັງເກີດ ໄປສູ່ການປ້ອງກັນກ່ອນປັນຫາຈະເກີດ.
ຜົນທີ່ໄດ້ບໍ່ແມ່ນພຽງແຕ່ປັບປຸງປະສິດທິພາບການເຮັດວຽກ ແຕ່ຍັງສ້າງວັດທະນະທຳທີ່ພະນັກງານຮູ້ສຶກວ່າ “ອົງກອນໃສ່ໃຈຈິງ” ແລະ “ພວກເຮົາກຳລັງເຕີບໂຕໄປດ້ວຍກັນ”.
ສະຮຸບ
ຂໍ້ມູນບໍ່ແມ່ນພຽງແຕ່ຕົວເລກ ແຕ່ແມ່ນ ເລື່ອງລາວຂອງຄົນ — ຄວາມຄິດ, ຄວາມຮູ້ສຶກ ແລະ ຄວາມຕ້ອງການຂອງພະນັກງານ. ຖ້າ HR ນຳມາໃຊ້ຢ່າງຖືກວິທີ ຂໍ້ມູນຈະຊ່ວຍໃຫ້ HR ບໍ່ພຽງແຕ່ເປັນຜູ້ດູແລບຸກຄະລາກອນ ແຕ່ຍັງເປັນ ພັນທະມິດດ້ານກຸລະຍຸດ ທີ່ຊ່ວຍຂັບເຄື່ອນອົງກອນໄປຂ້າງໜ້າຢ່າງຍືນຍົງ.
